分类： 系统运维
2011-06-13 00:02:45
天气阿姐心情报告
天阴阴有轻雾，出街留心积水地滑
多云14℃～21℃湿度：50%～90%吹轻微偏东风
旧历二月初七宜：嫁娶裁衣塑绘祈福忌：栽种
前两日嘅雨水天貌似结束咯，终于可以告别湿漉漉嘅天气，不过呢两日太阳公公就偷懒，天空仲系阴阴哋，令阿姐都想唱番句“阴天，在不开灯的房间，当所有思绪都一点一点沉淀……”唔知系唔系近排自己嘅身体湿气重，成日都觉得好攰，容易眼瞓。加上之前忙住过“三八节”，日日都出街，就更加攰上加攰咯。大家不如学阿姐咁，趁呢个周末好好补下美容觉啦，喺屋企睇睇书、听听歌，一轮“休养生息”之后，又可以爽利咁迎接下个星期，继续搏杀啦。
口腔卫生指数
换支新牙刷
有口腔专家曾经讲过，“用过3周的牙刷比马桶水还要脏”，呢个比喻可能有D夸张，但系喺春季细菌滋生嘅时节，牙刷上嘅细菌都唔方会少，勤换牙刷都系有道理嘎！多注意口腔卫生，食嘢都滋味D。
听歌指数
音乐养生过惊蛰
惊蛰时节，养生学家话呢个时候容易情绪唔稳定，听音乐嚟养生就最有益喇！至于用听咩音乐嚟养生好呢？阿姐觉得，一D做瑜伽嘅时候经常听嘅轻音乐就好唔错，令身心都好放松！
网购指数
买“垃圾”减压
依家流行网购，但系估唔到竟然有人网购“垃圾”，而且仲几火爆下！其实所谓嘅“垃圾”只系用个黑色垃圾袋装住，里面系一D诸如面膜、声控蜡烛咁嘅生活用品，几十蚊到几百蚊都有，叫做买个“惊喜”咯，唔少白领通过买“垃圾”嚟减压，你试过未？
夜生活指数
网上约埋去蒲吧
如果觉得精力充沛，唔想“屈”喺屋企，当然要去尽情蒲美容觉下啦。依家有唔少白领流行喺网上约人一齐去蒲吧，又可以喺论坛度分享下蒲吧，约埋一齐去又唔使惊闷，都几好玩喔！
（陈颖雅/整理王云涛/漫画）
